الدنيا
................
هو معنى الدنيا ايه
غير فى لمة وسط عيله
او فى صحبة ناس جميلة
او فى قعده تحت شجرة
بين احبة وناس اصيلة
هو معنى الدنيا ايه
غير فى ايد تطبطب علينا
ولما تحتاجنا تلاقينا
او ف ناس صابرة تواسينا
لو تضيق الدنيا بينا
هو معنى الدنيا ايه
غير في رضا ربك عليك
دايما بفضله مراضيك
ولمة ولادك حواليك
وبحمده باين فى عنيك
هو معنى الدنيا ايه
غير ف زوجه صالحة جنبك
مهما تقسى برده تحبك
حضنها هو ال شملك
لما تحتاجه تلاقيه
هو معنى الدنيا ايه
غير في نظرة عين حبيب
أو في لمسه من اديه
أو في ابن بار جنبك
لما تكبر بتلاقيه
هو معنى الدنيا ايه
.........................
الشاعر / مجاهد المصرى
عاشق البنفسج
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.