ببكي اشتياقك
.........
بشتقالك وانا ببكي
عيون تغزل بروحي دموع
ملامح روحي لو تحكي
تقولك عل بات موجوع
حقيقتي بحبي لو تشكي
تنور لك ف قلبي شموع
عشان انت بقلبي ملاك
و توب بالعشق جه زارني
ووقت غرامي بستناك
تمد ايديك وتأسرني
يمس الحب اسم هواك
يقول بكفايه يا هاجرني
واني لربي بصلي الفرض
سجود خاضع لرب قلوب
داعيه اني اعيش ع الارض
اشوف عينك بروحي تجوب
تفضل معايه قدري ونصيب
و بوسه طهر تسقي الورد
تقوله عن هواه ما هتوب
تطرح م الحنين كلمه
ضفاير شمس وقت غروب
ترفرف طيره فوق نسمه
سما نجومها تقول مكتوب
نعيش يا دنية العاشقين
جناح سارح بقوله لفين
يقولى يلا عيشي يومين
وشوفي الدنيا ف المحبوب
لكن خايف يسيب كفي
واشوف الهم من ضعفي
ووقت لقانا ما يكفي
دموع عيني من المكتوب
لكن عايشه ليوم ألقاه
حبيب طاير واخدني معاه
واعيش في عيونه احلي حياه
وعن عشقه وربي ما اتوب
ساميه علي
