#أمي ......... أنور محجوب-

#أمي ...

كل ماأحاول أكتب عن أمي #معرفش

قلمي يعاندني ودمعي يسيل #ومقدرش

اسكت شوية وأحاول تاني وبرضه #مكتبش

لو قالولي اكتب عن أي شيء أكتب #ومفكرش

ويطلع كلامي زين وحلو إزاي. #مفهمش

ياما قوليلي إيه حكايتك معايا يانبع #الخير

ليه أول ماأمسك قلمي الكلام مني #بيطير.

ياطيبة يامعششة في القلب ويا #الروح

بنظرة منك كانت تشفي آلام #وجروح

وبكلمة منك كانت تطبب وريد #مدبوح

بحبك ومشتاقلك ومن بعدك بحر الحنان #جف

وماتت حروف وصفك وحبر القلم #جف.

يما مش هتقوليلي سرك. عشان #فارقتيني

وف دنيا العذاب والألم وحدي #تركتيني.

لاإبن يشيل همي من بعدك ولا بنت #تدوايني ..

أنا عرفت إيه السر إني مش عارف #أكتبلك

لأني أول ماأقول يمااا .مشاعري #بتروحلك

وقلبي ينبض لك. وروحي #تندهلك

وفكري ميشغلوش غير صوتك مع #صورتك

يبقي إزاي.. هكتب عن #أمي .

وهي ساكنة مكان #الحرف ......

أنور محجوب-