صحح وضعك
.....................
صحح وضعك يلا بسرعة
اصحى وصحح يلا وفوق
قبل ما وقت التوبة يفوتك
وينزل أمره علينا من فوق
صحح وضعك مع الناس
وابعد عن شيطان وسواس
خلي البلوة تروح ونروق
ارجع نظف قلبك انت
خلي النور يغلب ع العتمة
عامل كل الناس بالذوق
ارجع للقرآن وإقراه
نور بصرك من ال عماه
لحد امتى هتعيش مخنوق
صحح وضعك مع جيرانك
صفي النية مع خلانك
حب الخالق و المخلوق
فرصة َجاتلك ترجع تاني
إنسى إنك مغرور وأناني
صحح وضعك يا إنسان
إبعد عن كل شيطان
كل مناه تعيش في وهوان
إرفع ايدك ادعي الرحمن
اطلب من ربك غفران
يغفر ايام العصيان
وينجيك من لظي ونيران
صحح وارجع للعدنان
صحح وضعك تنسى آلامك
وبإذنه تحقق احلامك
دنيا خلقها هو علشانك
فبلاش تتجبر بالسلطان
قادر يخسف بيك الارض
وتعيش فيها ذليل غلبان
صحح وضعك جاتلك فرصة
قبل ما يوم تموت م الحسرة
وتسبب الدنيا وانت ندمان
صحح وضعك يا إنسان
لو مشغول بالدنيا اتركها
لو معوجه معاك اظبطها
ربك هو ال بيرتبها
ليه بتحب تعيش تعبان
صحح وضعك واترجاه
يرضى عليك دايما برضاه
كل سعادتك في قربك منه
اوعي تتوه يوم تاني عنه
عنده كل ما تتمناه
صحح وضعك يا انسان
ارجع لرب غفور حنان
ينعم هو علينا بفضله
وفي الآخرة نفوز بجنان
....................................
عاشق البنفسج
....................................
الشاعر /مجاهد المصرى
