( أقسمت ألا أنحنى )
.................................
أقسمت ألا أنحنى
ولا من كرامتي تنزلى
لو انت كل روحى فيكى
روحى كمان واطمنى
أقسمت الا انحنى
انا كنت راسم صورة ليكى
بدلتها بسواد عنيكى
عتمتى لونها اطمنى
أقسمت الا انحنى
انا كنت حبيتك بجد
حب ما حد حبه لحد
حب فاق كل حد
غيرتى حبى ارحلى
أقسمت الا انحنى
اقسمت انى ما أعود اليكى
وانسى كمان لمسة اديكى
انا كنت فاكرك موئلى
أقسمت الا انحنى
انا كنت فاكرك بسمتى
وضحكه حلوه على شفتى
طلعت خنجر سمنى
وبإديكى انت طعنتنى
أقسمت الا انحنى
يلا خلاص خلص الكلام
معدش ينفع السلام
الغدر هز موطنى
أقسمت الا انحنى
الله لا يسامح كل خاين
الغدر منه مكنش باين
جرح شعورى وهدنى
أقسمت الا انحني
.....................................
الشاعر : مجاهد المصرى
عاشق البنفسج
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.