عاشقه الناى الحزين
وعاشقه انغامه
والعزف و التنهيد
تسرح معاه لبعيد
تغرق فى الحانه
وتلم اوجاعك
تفرشها قدامه
تدخل جوا المزمار
بلهفه المحتار
تلف على نفسك
يمكن تلاقى نغمه
تقول اللى فى نفسك
اتكتم ليه الصوت
لحظه سكات الموت
مع رعشه الفرقه
طالع نفس مكتوم
مداس عليه مهزوم
عافر عشان يطلع
لقى هناك مطلع
اعلى يا موج البحر
واخطفنى عالهادى
واسقينى ماء الصبر
لااصبر على حالى
باب الامل مفتوح
خبط ودخلنى
#نشوى الخطيب
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.